Kaixo!
Hemen aurkezten dizuegun programazio eszenikoan, hainbat teknika eta poetika biltzen dituen antzerkidenboraldi zirraragarri batez gozatzera gonbidatzen zaituztegu.
Publikoak sortzeko eta prestatzeko proiektu esanguratsu honek lanean jarraitzen du gure haur eta gazteen
eta Arte Eszenikoen arteko topaketa atsegina bultzatu, sostengatu eta bultzatzeko, alfabetatze artistikoan eta herritar gazteenen artean entzute adimendunaren garapenean laguntzeko helburuari jarraiki.
Aurten, «Entzute Aktiboaren» mundu liluragarrian murgiltzea proposatzen dizuegu, Goetheren hitzek
inspiratuta: «Hitz egitea behar bat da, entzutea arte zehatza da.» Zer moduz tximeletak imitatuz ikasten
badugu arte hau? Tximeletek, beren antena sentikorrekin, bibrazio sotilenak ere hautematen dituzte. Hemen
aurkituko dituzuen proposamenekin, gure haur eta gazteek entzute findu bat garatzea bilatzen dugu,
euren jakin-mina eta sormena aktibatu dezaten.
Entzutea, honetarako:
• Arte-sorkuntzek euren baitan dituzten enigmak argitzen ikasteko.
• Nork bere emozioak ezagutzeko.
• Gainerako ikusleekin batera harritzeko edo izandako esperientziarekin liluratzea
Entzuteko artearen bidez ezagutzeko eta ikasteko bidaia honetan lagun gaitzazuen gonbidatzen zaituztegu,
nota, hitz eta mugimendu bakoitzaren bikaintasuna ospatuz.
Zuen zain gaude!
Kultur eta gizarte-barneratzea egon dadin, beharrezkoa da dibertsitatearekin bat egiten duten eta pertsona guztiei balioa ematen zaien sistemak eta agertokiak garatzea, eta, horrez gain, ikastetxe bakoitzean inklusioa modu desberdin batean gerta daitekeela onartzea. Esperientzia esanguratsuak garatu nahi baditugu, kultur arloko esku-hartzeak pertsonalizatu beharra dago.
Hala, kolektibo bakoitzari gizarte-eraldaketarako eta kultur hazkunderako tresna modura balioko dio.
Hiru ekintza-ildo proposatzen dira:
1. ildoa: populazioaren zati handi bat gizarte-bazterketako arriskuan dagoen ikastetxeak.
• Hartzaileak: Haur Hezkuntzako irakasle-ikasleak.
• Ekintzak: Hiriko bi konpainiak, Panta Rhei eta Paraiso Antzerkia, 8 ikastetxetan era pertsonalizatuan esperientzia eszenikoaren garapena irakasten dute.
2. ildoa: Bestelako gaitasunak dituzten kolektiboekin lanean diharduten egiturei zuzendua.
• Parte-hartzaileak: Zentro Okupazionalak, Autonomia Pertsonaleko Zentroak, Zereginak Ikasteko Ikasgelak
eta Errehabilitazio Komunitarioko Zerbitzuak.
• Hartzaileak: Kolektibo horietako helduak eta gazteak.
• Ekintzak: Zuzeneko lana hezitzaileekin, eta erabiltzaileak programaziora gehitzea.
3. ildoa: Gizarte-bazterkeria jasateko arriskuan dagoen biztanleria-maila handia duten ikastetxeentzat.
• Hartzaileak: Lehen Hezkuntzako irakasleak.
• Ekintzak: Irakasleentzako prestakuntza. 4 prestakuntzaordu, antzerkitik, dantzatik, performancetik eta ikusentzunezko sorkuntzatik datozen metodologiak ezagutarazteko.
Ikasgelako egunerokoan nahiz garatzen ari diren proiektu artistikoetan inplementatzeko dinamika
erabilgarriak erraztuko dira. Plaza mugatuak, inskripzioordenaren arabera esleituak, kalteberatasun-egoeran
dauden zentroei lehentasuna emanez. Diruz lagundutako prestakuntza, parte hartzen duten ikastetxeentzat kosturik gabea, Topa! proiektuarekin lankidetzan emana!
Arte-hezkuntzan, beharrezkoak dira hezkuntza – diseinuzko uneak, zeinetan, irakasleen bizipen pertsonaletik abiatuta, esperientzia artistiko berriak eraiki edo marraztuko diren.
Artea eta ikastetxe bakoitzaren bizitza elkarrekin lotzea da xedea, baita kultura- eta hezkuntza-berrikuntzarako bide berriak sustatzea ere, Beñat Etxepare Antzokiak proposatutako arte-jardueratik abiapuntua.
Lau motatako EKINTZAK proposatzen dira, edukiaren arabera sailkatuta:
2 lantegi praktiko egingo dira Bigarren Hezkuntzako irakasleekin, La Casa del Libro-n.
Pedagogia artistikoko eta ikaskuntza kolektiboko esperientzia bat aktibatu nahi da, esperientzia eszeniko batean parte hartzearen inguruan. Kontenplazio- eta esperimentazio- prozesuak aktibatuko dira.
La Casa del Libro-n tailerrak egingo dira programatutako ikuskizunetara joango diren Haur Hezkuntzako eta Lehen Hezkuntzako irakasleekin. Hala, alfabetizazio kulturalarekin, ikus-entzuleen begirada sortzailearekin eta esperimentazio artistikoarekin lotutako gaiak jorratuko dira.
Proposamen honen helburua «Nomadak» esperientzia eszenikoan parte hartuko duten 3 urtetik 5 urtera arteko haurren familietan jarduera artistikoak bultzatzea da.
Gabonetan, Teatro Paraíso Konpainiaren «Nomadak» ikuskizunaren emanaldiak bukatzean, ikusleek gutunazal bat jasoko dute eta gero etxean gurasoekin ireki beharko dute. Barruan gurasoentzako gutun bat eta opari bat topatuko dute. Gurasoentzako gutunek haurrek ikusitako ikuskizunari egingo diete erreferentzia eta, seme-alabekin jolasteko aproposa izango da. Horrela, haurren eta gurasoen arteko komunikazioa indartuko da antzerki- esperientziaz baliatuz, ikusle txikiek euren emozioak adieraz ditzaten sustatuko baita.
Ekintza hau Fundación Vital Fundazioarekin elkarlanean egiten da.
Elkarrizketarako eta lankidetzarako gune bat aktibatzen dugu Gasteizko irakasleen belaunaldi berriekin;
topaketa horien helburua proiektuaren balioproposamena helaraztea izango da, baita irakasle gazteen beharrak eta ekarpenak entzutea ere, ikastetxeetan gertatzen ari den belaunaldi-erreleboari erantzunez.
Ekimen honek irakasle gazteekiko lotura sendotu nahi du, Beñat Etxepareren komunitatean integratuz eta
haien ikuspegiek proiektua aberastu eta indartuko dutela ziurtatuz.
Kultura eskuratzeko bideak demokratizatzea abiapuntuko helburutzat hartuta, erronka bat dugu: hura eskuratzeko aukerak benetakoak izatea, ikusle txiki eta gazteentzat batez ere. Kultura demokratizatzea kultur paradigma bat garatzea da, uler dezagun gizabanakoak ez direla ikusle edo kontsumitzaile huts, eta eragile aktiboak eta kulturaren sortzaileak eta garraiatzaileak ere badirela.
Kurtso berri hau 2 topaketa komunitarioekin hasi nahi dugu, irakasleei Hezkuntza Artistikoko jardueren programa eta Beñat Etxepare Antzokiko programazio eszenikoa ezagutarazteko.
Helburua ikastetxe guztietan hiriko kultura eskaintza erabiltzeko eta horretaz gozatzeko azturak sustatzea da.
Lehenengo topaketa komunitarioa irailaren 6an, asteazkenean 12:00etan izango da. Bigarrena, irailaren 7an, ostegunean 10:00etan izango da, biak Iparralde Gizarte Etxeko Larrun Aretoan.
Eragile laguntzaile honek hilero gune bat ireki du jardueren garapena ikusarazteko eta herritarrei Arteei eta Kulturari lotutako hiri-proiektu baten balioa jakinarazteko.
2024/2025 ikasturtean, Beñat Etxepare Ikusleentzako Sarien XXVI. edizioa antolatuko da.
Sariak denboraldi amaierako jaialdian emango dira. Bertako hainbat artista hartuko dute parte. Aipatutako sarietan parte hartzeko, ikuskizunaren ondoren sariaren triptikoak (irakasleei emango zaizkienak) igorri beharko zaizkigu, bertan ikusitako ikuskizunari buruzko iritziak, irudiak, iradokizunak, kritikak, etab. azalduz.
Gutunak honako helbide honetara bidali beharko dira:
PARAÍSO PÚLSAR ELK. KOOP. TXIKIA
Hibridalab
Miguel de Unamuno Hiribidea, 1
Bulegoa | Oficina: L8
01006, Vitoria – Gasteiz
Lau sari mota emango dira:
